فلسطین میں اسرائیلی فوج کے ظلم و بربریت اور اسرائیل امر یکہ گٹھ جوڑ کے خلاف ایپنک کے زیر اہتمام نیشنل پریس کلب کے سامنے صحافتی تنظیموں نے احتجاجی مظاہرہ

اسلام آباد/ رپورٹ ظفر اعوان 

  فلسطین میں اسرائیلی فوج کے ظلم و بربریت  اور  اسرائیل امر یکہ گٹھ جوڑ کے خلاف ایپنک کے زیر اہتمام نیشنل پریس کلب کے سامنے صحافتی تنظیموں نے احتجاجی مظاہرہ کیا ۔مظاہرے کی قیادت آل پاکستان نیوز پیپر اینڈ الیکٹرانک میڈیا ایمپلائز کنفیڈریشن ایپنک کے مرکزی چیئرمین محمد صدیق انظر نے کی   مقررین نے  نے کہا کہ دنیا بھر میں قتل و غارت ، انسانیت کی تذلیل اور انسانی حقوق کی خلاف ورزی امریکہ اور اس کی طفیلی ریاست اسرائیل کی سنت خبیثہ ہے ، بین اقوامی تعلقات میں دونوں ممالک جھوٹ کی بنیاد پر ظلم و زیادتیوں کی لمبی داستانیں رقم کر رہے ہیں فلسطین میں 24 دن کی جنگ کے دوران 10 ہزار بچے بوڈھے ۔خواتین اور نہتے نوجوان شہید ہو چکے ہیں جن میں 30صحافی بھی شامل ہیں ۔مقررین میں ایپنک کے مرکزی چیئرمین محمد صدیق انظر ۔آر آئی یوجے کے صدر شکیل احمد ۔ایم کیو ایم کے سینئر نائب صدر شہزاد آصف جاوید۔۔تحریک اسلام آباد کی جنرل سیکرٹری عاصمہ ملک ۔پی ایف یو جے مرکزی رہنما طارق عثمانی۔میڈیا ورکرز آرگنائزیشن کے بانی صدر کلیم شمیم ۔پی ایف یو جے دستور کے صدر راوشرجیل ۔جمیعت علماء اسلام کے رہنما  قاری محمد قاسم ۔تاجر رہنما چوہدری اشتیاق احمد ۔۔عبید خان ۔کالم نگار سجاد اظہرشامل تھے ۔راجہ جاوید خان نے سٹیج سیکریٹری کے فرائض انجام دئے۔مقررین  نے کہا امریکہ اور مغر بی دنیا نے اسرائیل کو فلسطینی مسلمانوں کے قتل عام کا لائسنس دیا ہوا ہے ،بائیڈن، برطانیہ کے وزیر اعظم اور فرانس اسرائیل کا دورہ کر کے اسرائیل کی درندہ صفت فوج کو فلسطینیوں کے قتل عام پر شہ دیتے ہیں  امر یکہ جد ید ہتھیاروں سے بھرے جہاز فلسطینیوں کے قتل عام کے لیے اسرائیل بھیجوا رہا ہے ، امریکہ کی سفاکیت یہ ہے کہ وہ بار بار سلامتی کو نسل میں جنگ بندی کی قرار داد کو دیٹو کر رہا ہے ، اسرائیل امریکہ اور دیگر مغر بی ممالک کے ساتھ مل کر فلسطین کی شہری آبادیوں پر حملے کر کے جنگی جرائم کا مر تکب ہو رہا ہے ، 10 ہزار سے زائدافراد شہید ہو چکے ہیں ، 28ہزار سے زائد افرد شدید زخمی ہیں آدھا غزہ منہدم ہو چکا ہے ، تمام ہسپتال تباہ ہو چکے ہیں ،فلسطین کے ہسپتال بمباری کے باعث مردہ خانوں کا منظر پیش کر رہے ہیں ، مسلم ممالک اور ان کے حکمران سوئے ہو ئے ہیں ان دل ودماغ سے غیرت نام کی چیز نکل چکی ہے ، دو ارب مسلمان جو غیر ت مند ہیں وہ حماس اور فلسطینیوں کی حمایت میں سڑکوں پر نکل آئے ہیں  ایپنک چیئرمین محمد صدیق انظر نے اپنے خطاب میں کہا کہ امریکا کی اسرائیلی پشت پناہی سے صیہونی ریاست کے توسیع پسندانہ عزائم کو تقویت مل رہی ہے،اہل فلسطین کے خلاف اسرائیلی دہشت گردی جاری اور غزہ پر مسلسل 24روز سے بارود کی بارش ہورہی ہے، انھوں نے کہا کہ اسلامی ممالک کے حکمرانوں کو کیا چیز روکتی ہے کہ وہ مظلوموں کی مدد نہیں کررہے، گریٹر اسرائیل کے منصوبے میں پڑوسی اسلامی ممالک بھی شامل ہیں، یہ ایران اور پاکستان کے لیے بھی خطرہ ہے۔احتجاجی مظاہرے کے بعد غزہ کے مظلوموں کے لئے قاری محمد قاسم نے دعا کرائی

سب انسپکٹر پنجاب پولیس سردار سبطین خان مرحوم کی زوجہ سردار حسنین خان لشکرانی پنجاب پولیس کی والدہ جو گذشتہ رات وفات پا گٸ تھیں ان کی نماز جنازہ آج 11 بجے ادا کر دی گٸ

بھکر  رپورٹ۔ناصر خان بلوچ  

سب انسپکٹر پنجاب پولیس سردار سبطین خان مرحوم  کی زوجہ سردار حسنین خان لشکرانی پنجاب پولیس کی والدہ جو گذشتہ رات وفات پا گٸ تھیں ان کی نماز جنازہ آج 11 بجے ادا کر دی گٸ جس میں سردار سعید اکبر خان نوانی سردار حبیب اللہ خان نوانی سردار وجاہت خان نوانی سردار علمدار جھمٹ صاحب شہباز علی قدوسی خانسر کی سیاسی و سماجی شخصیات کے علاوہ عوام کی کثیر تعداد نے شرکت کی مرحومہ کو نماز جنازہ کے  بعد اپنے آباٸی قبرستان چاہ لشکرانیاں والا میں آہوں اور سسکیوں  میں سپرد خاک کر دیا گیا مولا کاٸنات مرحومہ کے درجات بلند فرماے اور جنت الفردوس میں اعلی مقام عطا فرماے امین

بزم ادب کا آغازجمعرات کے روز اسمبلی میں بزم ادب کا اہتمام کروایا جارہا ہے۔سمیرا ساجد

 بزم ادب کا آغاز 

Report/Zafar Awan

 المعروف شاعرہ ۔مصنفہ۔ادیبہ۔سمیرا ساجد سیالکوٹ نےسیالکوٹ کے دوسرے اسکول گورنمنٹ بوائز ہائر  اسیکنڈری اسکول گوہد پور کا وزٹ کیا  اور ماشاءاللہ اس میں باقاعدگی سے جمعرات کے روز اسمبلی میں بزم ادب کا اہتمام کروایا جارہا ہے۔اسکول کی انتظامیہ کے ساتھ سیر حاصل گفتگو ہوئی اور مستقبل میں سائبان کے زیر اہتمام ہونے والے مقابلوں کے متعلق بتاتے ہوئے مجھے بیحد خوشی ہوئی کہ انتظامیہ نے اپنے مکمل تعاون کی یقین دہانی کروائی اور بچوں میں لٹریچر اور فنون لطیفہ سے متعلق دلچسپیوں پر مشتمل سرگرمیاں کروانے کی یقین دہانی کروائی۔

بھارت نے کشمیریوں کی امنگوں کے برعکس جبر سے کشمیر پر قبضہ کیا، اسی تناظر میں ملک بھر کی طرح ضلع بھکر میں بھی بھارت کے اس غیرمنصفانہ اقدام پر تمام پاکستانی کشمیریوں سے اظہار یکجہتی کیلئے آج کے اس دن کو یوم سیاہ کے طور پر منا رہے ہیں ۔ڈپٹی کمشنر ڈاکٹر نور محمد اعوان

 

 بھکر/رپورٹ_ ظفر اعوان 

بھارت نے کشمیریوں کی امنگوں کے برعکس جبر سے کشمیر پر قبضہ کیا، اسی تناظر میں ملک بھر کی طرح ضلع بھکر میں بھی بھارت کے اس غیرمنصفانہ اقدام پر تمام پاکستانی کشمیریوں سے اظہار یکجہتی کیلئے آج کے اس دن کو یوم سیاہ کے طور پر منا رہے ہیں ۔یہ بات ڈپٹی کمشنر ڈاکٹر نور محمد اعوان نے کشمیریوں سے اظہار یک جہتی کے طور پر منائے جانیوالے  یوم سیاہ کے موقع پر خطاب کرتے ہوئے کہی سیمینار ضلع کونسل ہال میں منعقد ہوا۔سیمینار میں اے ڈی سی جی عباس رضا ناصر ،صدر انجمن تاجران رانا محمد اشرف خاں ،مذہبی عمائدین،طلباء،سرکاری محکموں کے ملازمین ،پولیس ،چیئرمین سی پی ایل سی،ڈپٹی ڈائریکٹر سوشل ویلفیئر اور سول سوسائٹی سے تعلق رکھنے والے افراد نے بھرپور شرکت کی ۔ڈپٹی کمشنر ڈاکٹر نور محمد اعوان نے شرکاءسے خطاب کرتے ہوئے کہا کہ 27 اکتوبر ایک تاریخی ناانصافی کا دن ہے جس دن بھارت کی جانب سے ایک آزاد قوم کو غلام بنانے کی مذموم کوشش کی گئی جس میں بھارت اب تک کامیابی حاصل نہیں کرسکااور نہ ہی کشمیریوں کی حق خود ارادیت کی آواز کو دبا نے میں کامیاب ہوسکا ہے ۔ڈپٹی کمشنر نے کہا کہ بھارت آج بھی کشمیر میں وحشیانہ کارروائیوں اور دھونس و دھاندلی کی راہ پر گامزن ہے انہوں نے کہاکہ کشمیر پربھارت نے ریاستی دہشت گردی کی بد ترین مثال قائم کی ہوئی ہے جس پر عالمی برادری کو نوٹس لینا چاہئے۔ڈپٹی کمشنر نے کہاکہ ہم اپنے کشمیری بھائیوں کے حقوق کی جنگ خون کے آخری قطرہ تک جاری رکھیں گے۔اس موقع پر صدر انجمن تاجران رانا محمد اشرف خاں نے بھی خطاب کیا اور مظلوم کشمیری بھائیوں کی حق خود ارادیت کی کوششوں کی پر زور حمایت کی۔سیمینار میں پاکستان اور کشمیر کے قومی ترانے بھی پیش کئے گئے علاؤہ سکولوں کے طلبہ کی جانب سے کشمیریوں کی جدوجہد آزادی کی تحریک کے حوالہ سے تقاریر بھی پیش کی گئی۔سیمینار سے حاجی ملک محبوب اعوان،پروفیسر چوہدری عبد المجید نے بھی خطاب کیا۔بعد ازاں ضلع کونسل سے ڈپٹی کمشنر ڈاکٹر نور محمد اعوان کی قیادت میں ایک احتجاجی ریلی بھی نکالی گئی ریلی کے شرکاء نے بازوں پر سیاہ پٹیاں باندھے ہاتھوں میں پاکستانی اور کشمیری پرچم تھامے بھارت کی جانب سے کشمیریوں پر ظلم و ستم کے خلاف شدید نعرہ بازی کی اور پاکستان زندہ باد کشمیر بنے گا پاکستان اور پاک فوج زندہ باد کے فلک شگاف نعرے لگائے#

ناجائز تجاوزات کے خلاف ضلعی انتظامیہ کا اپریشن بلا تسلسل جاری۔ ڈپٹی کمشنر بھکر کی ہدایات پر سپیشل مجسٹریٹ عدنان جمیل کا میونسپل کمیٹی عملہ کے ہمراہ سردار بخش روڈ اور عباس چوک کا دورہ۔ اپنی حدود سے تجاوز کرنے والے دکانداروں کو بھاری جرمانے اور کچھ کو جیل کی راہ دکھا دی۔

 

بھکّر /رپورٹ ۔ظفر اعوان 

ناجائز تجاوزات کے خلاف ضلعی انتظامیہ کا اپریشن بلا تسلسل جاری۔ ڈپٹی کمشنر بھکر کی ہدایات پر سپیشل مجسٹریٹ عدنان جمیل کا میونسپل کمیٹی عملہ کے ہمراہ سردار بخش روڈ اور عباس چوک کا دورہ۔ اپنی حدود سے تجاوز کرنے والے دکانداروں کو بھاری جرمانے اور کچھ کو جیل کی راہ دکھا دی۔ عدنان جمیل نے میڈیا سے بات کرتے ہوئے کہا ناجائز تجاوزات کے خلاف اپریشن جاری رہے گا۔ لوگوں کی فلاح و بہبود، مین بازار کی کشادہ سڑکیں اور لوگوں کی امد و رفت میں اسانی ضلعی انتظامیہ کی اولین ترجیح ہے۔ اس میں بازار کا رخ کرنے والے عام ادمی کی اسانی کے علاوہ دکانداروں کا اپنا بھی فائدہ ہے۔ اگلے مرحلے میں حدود سے تجاوز کرنے والے دکانداروں کے خلاف ایف ائی ار کا اندراج ہوگا۔

المشائخ حضرت غوث اعظم شیخ عبدالقادر جیلانی ؒ عالم اسلام کے بہت بڑے ولی اور بزرگ ہیں۔ آپ کے فیوض و برکات اور کرامات بے شمار ہیں۔سائیں محمد پرویز قادری

 رپورٹ /ظفر اعوان /بھکر 

گزشتہ روز ہانسانوالہ بھکّر آستانہ عالیہ قادریہ شریف زیر قیادت پیر پرویز قادری کے زیر اہتمام بڑی گياری شریف کا پروگرام منعقد ہوا۔پروگرام کاآغاز تلاوت قرآن پاک سے ہوا۔اس کے بعد نعت رسول ﷺ اور محفل سماع سے خوب سماع بندہ گیا۔پروگرام میں مریدین کے علاوہ کثیر تعداد میں عوام نے شرکت کی۔آخر میں پرویز قادری نےعوام سے خطاب کرتے ہوئے کہ المشائخ حضرت غوث اعظم شیخ عبدالقادر جیلانی ؒ عالم اسلام کے بہت بڑے ولی اور بزرگ ہیں۔ آپ کے فیوض و برکات اور کرامات بے شمار ہیں۔    آپ نے پیغمبر اسلام حضرت محمد مصطفی ﷺ کی شریعت مطہر ہ کو زندہ اور روشن کیا۔ اور آپﷺ کی نیابت کا پورا حق ادا کیا۔ آپ کا اسم گرامی عبدالقادر لقب محی الدین کنیت ابو محمد اور عرفیت غوث اعظم ہے۔والد کا نام سید ابو صالح موسیٰ جنگی اور والدہ کا نام ام الخیر امةالجبار فاطمہ بنت سید عبداللہ الصومعی الزاہد تھا۔ 

حضرت غوث اعظم شیخ عبدالقادر جیلانی ؒ کی ولادت ایک چھوٹے سے قصبے گیلان میں ہوئی۔ آپ کے والد بزرگوار سید ابو صالح کو جنگ سے بہت رغبت تھی ۔ اس لئے انہیں جنگی دوست کے لقب سے یاد کیا جاتاہے۔ وہ نہایت صالح بزرگ تھے۔ آپ کی والدہ بھی بہت نیک اور متقی خاتون تھیں۔ اپنا ذیادہ وقت تلاوت قران میں گذارا کرتی تھیں۔حضرت غوث اعظم شیخ عبدالقادر جیلانی ؒ مادر زاد ولی تھے۔ اس کی شہادت اس بات سے ملتی ہے کہ آپ کی والدہ ماجدہ کہتی تھیں کہ جس وقت عبدالقادر پیدا ہوئے تو اس وقت رمضان المبارک شروع ہوا تھا۔ اس مقدس مہینے میں دن کے وقت یہ میر ا دودھ نہیں پیتے تھے۔ اتفاقاً ایک دفعہ ابر کے باعث ہلال رمضان کے بارے میں لوگوں کو شبہ ہوا بعض لوگوں نے مجھ سے دریافت کیا کہ تمہیں رویت ہلال کی صحیح خبر ہے؟ میں نے کہا آج میرے عبدالقادر نے دن کو دودھ نہیں پیا۔ اس لئے میں سمجھتی ہوں کے آج رمضان المبارک کی پہلی تاریخ ہے۔خطاب کرتے ہوئے آخر میں انہو ں نے کہا کہ  

حضرت غوث اعظم شیخ عبدالقادر جیلانی ؒ کو اللّه پاک نے لاتعداد کرامات سے نوازا ہے ۔اور پھر دعا کرائیگئی بعد ازاں عوام میں لنگر تقسیم کیا گیا #

انٹر نیشنل اسلامک یونیورسٹی اسلام آباد میں ایپنک کے مرکزی چیئرمین محمد صدیق انظر کی سپورٹس گالا میں بطور مہمان خصوصی شرکت

ا

Report/Zafar Awan

نٹرنیشنل اسلامک یونیورسٹی اسلام آباد میں ایپنک کے مرکزی چیئرمین محمد صدیق انظر کی سپورٹس گالا میں بطور مہمان خصوصی شرکت فائنل کرکٹ میچ لینگویج اینڈ لٹریسی فیکلٹی کرکٹ ٹیم نے باآسانی جیت لیا ۔جناب مجتبیٰ رضوان سید ۔زاہد ملک اور گلزار گیلانی بھی ہمراہ تھے ۔یونیورسٹی کے پریذیڈنٹ جناب پروفیسر ڈاکٹر ہتھال حمود العطیبی ۔جناب الحسن ۔جناب ڈاکٹر حافظ غفران۔محمد خالد چوہدری اور پوری انتظامیہ کا عزت افزائی پر بہت

بہت  شکریہ

نام محسن امین خان نورزئی، قلمی نام محسن دوست ، تخلص دوست کرتے ہیں۔ آپ کا تعلق نوابوں کے شہر بہاولپور سے

 تحریر /آمنہ ورد 

اصل نام محسن امین خان نورزئی، قلمی نام محسن دوست ،  تخلص دوست کرتے ہیں۔ آپ کا تعلق نوابوں کے شہر بہاولپور سے ہے۔  حال ہی میں نجی یونیورسٹی سے ایم فل اردو کی ڈگری حاصل کی ہے اور محسن دوست درس و تدریس سے وابستہ ہیں ۔

بہاولپور ادبی لحاظ سے بہت زرخیز خطہ ہے جہاں بہت سے نامور شعراء جن میں ظہور نذر،آل احمد ، سید تابش الوری ، سید قاسم جلال ، ڈاکٹر جاوید اقبال ،ذیشان اطہر اور اظہر فراغ کے نام نمایاں ہیں ۔ محسن دوست بھی ان شعراء میں سے ایک ہیں ۔ محسن دوست کا شعری مجموعہ ”مجھے پانی پہ لکھنا آگیاہے“ یہ  ان کا پہلا مجموعہ کلام ہے جو کہ جنوری 2022 کو شائع ہوا ہے۔ محسن دوست نے اپنے اس شعری مجموعے میں غزل کے موضوعات میں وسعت پیدا کی ہے ۔ محسن دوست ماضی پر پچھتاوے اور مستقبل کی فکر کو پس پشت ڈالتے ہوۓ حال کو مدنظر رکھتے ہیں، ان کی شاعری اس بات کی عکاسی کرتی ہے۔ آپ نے معاشرتی براٸیوں پر کاری ضرب لگائی ہے۔ محسن دوست حسن سے متاثر ہوتے ہیں جوکہ فطرت کے عین مطابق ہے۔ احساس محبت ، شدت اور حلاوت سے لبریز ان کی شاعری کہیں کہیں مزاحمت بھی اختیار کرتی ہے۔ ولی کی طرح کہیں حسن پرستی اور کہیں غالب کی طرح محبوب سے مجادلہ بھی کرتے نظرآتے ہیں۔      انھوں نے اشعار میں سادہ تشبیہات و استعارات کا استعمال کر کے اپنے کلام کو فن و فکر کے اعتبار سے بلند کیا ہے ان کے کچھ اشعار ملاحظہ کیجیۓ ۔

لوگ تکتے ہیں اس کو حیرت سے

پھول  اس کا طواف کرتے    ہیں

۔۔۔۔۔۔۔۔

آنکھ سے چلتی ہے ایسی چال وہ 

کون بازی  جیتے اس چالاک سے

آ پ کی شاعری سہل ممتنع کی بہترین مثال ہے جس میں آپ نے سادہ اشعار کا مرقع پیش کیا ہے۔ مشکل تراکیب سے اجتناب اور خوبصورت خیالات کو الفاظ کا جامہ پہنایا ہے۔ ایک عام قاری بھی ان خیالات کو سمجھ کر لطف اندوز ہوسکتا ہے ۔ سادگی کی مثال جیسے میر تقی میر کی شاعری میں ملتی ہے  ،میسن دوست کی شاعری میں بھی ایسی مثالیں موجود ہیں ۔شعر دیکھیے ۔

چھوڑ دو اب غرور مان بھی لو

عقل  کا  ہے فتور  مان  بھی  لو

اتنی  ضد بھی بھلی نہیں ہوتی

یار  اپنا  قصور  مان  بھی   لو 

 اس کے علاوہ محاورات کا برمحل استعمال اور مختلف اصناف اپنے کلام میں برتنے کا سلیقہ بھی محسن دوست بخوبی جانتے ہیں۔ صنعت تضاد کا استعمال ان کی شاعری میں بڑے عمدہ اور نہایت منفرد انداز میں کیا گیا ہے۔

یہ پہلے طے ہواہے کون جیتے ، کون ہارے گا 

دکھاوے کے لٸے سکے سے کرنا ٹاس ہے باقی  

 فکری اور فنی حوالے سے ان کی شاعری ان کی شاعرانہ مہارت کا واضح ثبوت ہے۔ جذبات اور خیالات کا اظہار عوامی زبان کے ذریعے کیا ہے۔زیادہ مشکل الفاظ کے استعمال سے اجتناب کرتے ہیں ۔ محبت اور عشق جوکہ غزل کا نمایاں موضوع ہےاس میں انھوں نے کٸی نٸے موضوعات کا اضافہ کیا ہے اور معاشرے کے مساٸل کو بھی سامنے رکھا ہے ان کا ایک شعر دیکھیے۔                                                    بدن میں بھوک ہےباقی ،لبوں پر پیاس ہے ، باقی                          

کٸی عشروں سے میرے ملک میں  افلاس ہے باقی     

                                    

 مقصدیت، رومانیت اور سادگی کی بدولت وہ اپنے دور کے دیگر شعرا میں منفرد مقام رکھتے ہیں ”مجھے پانی پہ لکھنا آگیا ہے“ میں فکر اور فن کی تمام خوبیاں موجود ہیں ۔

مجموعی طور پر جاٸزہ لیا جاۓ تو محسن دوست کی غزلیں مختلف موضوعات سے سجے ہوۓ اس مینار کی طرح ہیں جسے دور سے دیکھا جاسکتا ہے۔ فن وفکر سے مزین کلام اردو ادب میں اپنی منفرد خوشبو رکھتا ہے ، اور اہل ذوق اس سے تازگی محسوس کرتے ہیں۔

انھوں نے حمد و نعت کے اشعار بڑی خوبصورتی سے اپنی غزلوں میں جوڑے ہیں۔ زندگی کی تلخیوں اور مشکلات کو اپنی غزلوں کا موضوع بنایا ہے ۔ لیکن رومانیت جو غزل کا خاصہ ہے وہ بھی جابجا نظر آتی ہے۔ 

شعر میرے وہ گنگنا رہی تھی 

سر مری گود میں رکھا ہوا تھا

قوی امکان ہیں کہ وہ دن دور نہیں جب محسن دوست  کا شمار اردو ادب کے معتبر شعراء میں شمار ہو گا۔

سادگی اور اختصار شاعری میں بہت مشکل سے آتا ہے۔ لیکن محسن دوست نے یہ کام آسانی سے کر دکھایا۔ علاوہ ازیں یہ بھی کہنا بےجا نہ ہو گا کہ محسن دوست شاعری کے اسرار و رموز سے واقف ایک پختہ کار اور منجھے ہوئے شاعر ہیں۔ کیونکہ ان کی کتاب میں سے جو غزل ، شعر اٹھا کر دیکھیں وہ مکمل شعری رموز اور شاعری کے معیار کی عین عکاسی کرتا نظر آتا ہے۔

اتنی اردو تو جانتے ہیں ہم 

شعر کے پیچ و خم سمجھتے ہیں۔

دعا گو ہوں کہ محسن دوست شاعری کی بلندیوں کو چھونے کے ساتھ ساتھ عہد حاضر کے شعراء میں اپنا ایک خاص مقام قائم و دائم رکھیں۔

تحریر ۔ آمنہ ورد

ڈسٹرکٹ پولیس افیسر بھکر محمد نوید کےاحکامات پر سماج دشمن عناصر کے خلاف کریک ڈاؤن جاری*

رپورٹ ظفر اعوان 

  ایس ایچ او دلے والا غلام شبیر عباسی معی ٹیم نے اسلحہ ناجائز ہولڈر ملزم عباد علی کے قبضہ سے بندوق 12 بور برامد کر لی

 جبکہ ایک اور کاروائی میں ایک کس ملزم منشیات فروش کے قبضہ سے 20 لیٹر شراب برامد۔۔۔۔

 اشتہاری ملزمان کے خلاف کاروائی جاری رکھتے ہوئے تین مقدمات میں اشتہاری ملزم کیٹگری B ۔۔ملزم اکرام پابند سلاسل۔۔۔

ایس ایچ او تھانہ صدر بھکر وحید حسن لک معہ غلام شبیر اے ایس آئی نے  دو دن قبل گم ہونے والا بچہ محمد حنیف  بعمر 15 سال تلاش کر کے وراثان کے  حوالے کیا وراثان نے بھکر پولیس کا شکریہ ادا کیا۔۔۔   اس احسن اقدام کو  سراہا۔۔۔اور ڈھیروں دعائیں دی۔

۔

ڈپٹی کمشنر بھکّر ڈاکٹر نور محمد اعوان کا صبح سویرے سبزی وفروٹ منڈی کا دورہ

 بھکر (ظفر اعوان )ڈپٹی کمشنر ڈاکٹر نور محمد اعوان کا صبح سویرے سبزی وفروٹ منڈی کا دورہ،آڑھتی حضرات مارکیٹ ریلیف کی فراہمی کیلئے آگے آئیں، سبزیوں اور پھلوں کی سرکاری نرخوں میں دستیابی ہر صورت یقینی بنائیں گے۔مارکیٹ کمیٹی کا عملہ اپنی زمہ داریاں کامل زمہ داری کیساتھ ادا کرے۔ڈپٹی کمشنر ڈاکٹر نور محمد اعوان نے سبزی وفروٹ منڈی کے تفصیلی دورہ کے موقع پر آڑھتی حضرات سے بات چیت کرتے ہوئے کہا کہ حکومتی ویژن کیمطابق عوام الناس کو سستی اشیاء کی فراہمی کا عمل یقینی بنایا جائے گا اس سلسلہ میں گراں فروشی ناقابل قبول ہوگی ۔انہوں نے اپنی نگرانی میں بولی کا عمل مکمل کروایا اس موقع پر مختلف سبزیوں اور پھلوں کی قیمتوں میں مجموعی طور پر 15سے 20روپے کی کمی کی گئی۔ڈپٹی کمشنر ڈاکٹر نور محمد اعوان نے کہا کہ تعین کردہ نرخوں کا نفاذ مارکیٹ میں پرائس کنٹرول مجسٹریٹس یقینی بنائیں گے اس ضمن میں پرائس کنٹرول مجسٹریٹس

مارکیٹوں میں موجود رہیں گے #

ضلعی دفتر محکمہ بہبودآبادی بھکر کے زیر اہتمام بسلسلہ عوامی آگاہی مہم داجل تحصیل بھکر میں علماء کرام کیلئے منعقدہ ایک سیمینار بعنوان "فیملی پلاننگ اور علماء کرام کا کردار

 بھکر رپورٹ !ظفر اعوان 

معروف عالم دین پیر سید حسن علی شاہ گیلانی نے کہا ہے کہ بچوں کو بہترین خوراک،صحت کی سہولیات اور تعلیم وتربیت فراہم کرنا جہاں ریاست کی ذمہ داری ہے وہیں والدین کا بھی فریضہ ہے کہ وہ اپنے خاندان کا سائز اپنے وسائل کے مطابق رکھیں تاکہ انہیں تعلیم و صحت کی معیاری سہولیات مل سکیں۔ماں اور بچے کی صحت پر توجہ دینے کے ساتھ ساتھ اولاد کی تربیت پر خصوصی توجہ دے کر انہیں معاشرے کا کارآمد شہری بنا سکتے ہیں۔ یہ بات انہوں نے ضلعی دفتر محکمہ بہبودآبادی بھکر  کے زیر اہتمام بسلسلہ عوامی آگاہی مہم داجل تحصیل بھکر  میں علماء کرام کیلئے منعقدہ ایک سیمینار بعنوان "فیملی پلاننگ اور علماء کرام کا کردار" سے بطور مہمان خصوصی خطاب کرتے ہوئے کہی۔سیمینار میں مفتی غلام جیلانی، مولانا محمد گلزار، ڈسٹرکٹ پاپولیشن ویلفیئر آفیسر حبیب الرحمن اولکھ، ڈپٹی ڈسٹرکٹ پاپولیشن ویلفیئر آفیسر(سی اینڈ ٹی) محمدرمضان اعوان اور علماء کرام کی کثیر تعداد شریک تھی۔ڈسٹرکٹ پاپولیشن ویلفیئر آفیسر حبیب الرحمن اولکھ نے سیشن کے اغراض ومقاصد بیان کرتے ہوئے کہا کہ بہبودآبادی پروگرام کے فروغ میں علماء کا کلیدی تعاون حاصل کرنے کیلئے آگاہی سیمینارز کا انعقاد کیاجا رہا ہے ۔ماں بچے کی صحت بارے آگاہی بہبودآبادی پروگرام کی اولین ترجیح ہے۔پاکستان میں ہر سال ماوں کا حمل اور زچگی کی پیچیدگیوں کے نتیجے میں کثیر تعداد میں فوت ہو جانا بڑا المیہ ہے اور اسکی روک تھام ضروری ہے۔ماں حکم الہی کے مطابق 2 سال بچے کودودھ پلائے تاکہ اولاد میں 3 سال کا قدرتی وقفہ ہو اورماں بچے کی صحت بھی بہتر رہے۔خاندانوں کو یہ موقع ملنا چاہیئے کہ وہ اپنی مرضی کے مطابق بچوں کی پیدائش اور وقفے کے بارے میں صحیح فیصلہ کر سکیں تاکہ ماوں کی شرح اموات میں اضافہ پر قابو پایا جا سکے اور خاندانوں کی صحت اور بہبود میں بہتری آئے۔ڈپٹی ڈسٹرکٹ پاپولیشن ویلفیئر آفیسر محمد رمضان اعوان نے کہا کہ بچوں کی تعلیم و تربیت پرخصوصی توجہ والدین کی اولین ذمہ داری ہے تاکہ وہ معاشرے اورملک کی ترقی میں فعال کردار ادا کر سکیں۔انہوں نے مذید کہا کہ اسلام زندگی کے ہر معاملہ میں اعتدال پسندی اور میانہ روی کا درس دیتا ہے۔صحتمند خاندان خوشحال پاکستان ہماری منزل ہے اور بچوں کی پیدائش میں تین سال کا وقفہ منزل کے حصول میں معاون ثابت ہوگا۔ مذہبی سکالر مفتی غلام جیلانی اور مولانا محمد گلزار  نے خطاب کرتے ہوئے کہا کہ بچوں کو 2سال دودھ پلانا اور ذمہ دار والدین کا کردار اسلامی نقطہ نظر سے بہت اہم ہے۔آبادی و وسائل میں توازن ملک کی معاشی و معاشرتی ترقی کا ضامن ہے۔ بڑھتی ہوئی آبادی کے مسائل بارے آگاہی اورخصوصاً خواتین کی تعلیم پر توجہ دے کر معاشرے میں بڑھتی ہوئی آبادی پر قابو پایا جاسکتا ہے۔تاکہ ایک صحت مند اور خوشحال معاشرے کے قیام اور اسلامی فلاح و بہبود پر مبنی معاشرہ کو تشکیل دیا جا سکے۔سیمینار کے شرکاء نے محکمہ بہبود آبادی کی آگاہی مہم میں ۔

بھرپور تعاون کی یقین دہانی کرائی#

بھکّر (ظفر اعوان )ہم میانوالی کے معروف سنگر شرافت علی خان اور ان کے بھائی اور دوستوں کی ناگہانی وفات پر دلی رنج و غم کا اظہار کرتے ہیں۔معروف شاعر۔موسیقار مطلوب حسین مطلوب ۔سنگر ایاز احمد ۔نعیم عباس طبلہ نواز اور جرنلسٹ ظفر اعوان۔

ہم میانوالی کے معروف سنگر

شرافت علی خان اور ان کے بھائی اور دوستوں کی ناگہانی وفات پر دلی رنج و غم کا اظہار کرتے ہیں۔معروف شاعر۔موسیقار مطلوب حسین مطلوب ۔سنگر ایاز احمد ۔نعیم عباس طبلہ نواز اور ظفر اعوان۔تفصیل کے مطابق گزشتہ دنوں میانوالی کے معروف سنگر ایک شادی پروگرام کر کے اپنے گھر جا رہے تھے کہ راستہ میں ایک پل پر سے گزرتے ہوئے ان کی گاڑی نہر میں چلی گئی۔گاڑی میں سوار ان کا بھائی ۔2بہنوئی ۔کزن سمیت 7افراد تھے۔گاڑی نہر میں جانے کی وجہ سے گاڑی مکمل ڈوب گئی ۔جس  وجہ سے شرافت علی خان اپنے ساتھیوں سمیت خالق حقیقی سے جا ملے ۔ہم ان کی ناگہانی وفات پر گہرے رنج و غم کا اظہار کرتے ہیں ۔اللّه پاک ان کو جنت الفردوس میں اعلی مقام عطاء فرمائے اور لواحقین کو صبر جمیل ۔امین۔بھکّر سے معروف شاعر۔موسیقار مطلوب حسین مطلوب ۔سنگر ایاز احمد ۔نعیم عباس طبلہ نواز اور ظفر اعوان نے ان کی مغفرت کے لیے خصوصی دعا کی ۔

بھکّر /رپورٹ _آصف خان نیازی // ضلع بھر کے تمام سرکاری دفاترز میں انے والے شہریوں کے لیے ویٹنگ رومز اور واش روم کی تعمیر کے لیے ہنگامی طور پر سروے شروع کر دیا گیا ۔

 ضلع بھر کے تمام سرکاری دفاترز میں انے والے شہریوں کے لیے ویٹنگ رومز اور واش روم کی تعمیر کے لیے ہنگامی طور پر سروے شروع کر دیا گیا ۔ ایڈیشنل ڈیپٹی کمشنر جنرل عباس رضا ناصر نے باہمراہ اسسٹنٹ کمشنر بھکر رانا غلام مرتضی و دیگر محکمہ بلڈنگ کے افسران دورہ کے دوران صحافیوں کو بتایا کہ انتظار گاہیں نہ ہونے کے باعث اپنے کام کاج کے لیے انے والے سائلین کو مشکلات کا سامنا کرنا پڑ رہا تھا ۔ جس پر سروے کا کام اختتامی مراحل میں داخل ہو چکا ہے اور جلد تعمیراتی کام شروع ہونے جا

رہا ہے 

امتیاز آہیر ایڈوکیٹ سابق چیئرمین یونین کونسل 78 ایم ایل ، حاجی منیر پٹواری نمبردار 78 ایم ایل کا بھتیجا۔ فوجی جمشید کے بیٹے تبسم جمشید کے الیصال ثواب کیلے قل خوانی اداکردی گٸ ہے قل خوانی میں حضرت مولانا محمد سعید

 بھکر (آصف خان نیازی )

چوہدری امتیاز آہیر ایڈوکیٹ سابق چیئرمین یونین کونسل 78 ایم ایل ، حاجی منیر پٹواری نمبردار 78 ایم ایل کا بھتیجا۔ فوجی جمشید کے بیٹے تبسم جمشید کے الیصال ثواب کیلے  قل خوانی اداکردی گٸ  ہے قل خوانی میں حضرت مولانا محمد سعید  اور حضرت مولانا اللہ دیتا چیمہ کا خصوصی خطاب 

 اوربھکر کے سیاسی  و صحافی وکیل  و  سماجی شخصیت سمت ضلع بھر سے مختلف چکوں  دور داراز  سے  

 سکیٹروں آفراد کی شرکت قل خوانی چوہدری امتیاز آہیر ایڈوکیٹ کی رہاٸش گاہ عقب پولیس ویلفیٸر پٹرول پمپ نذد پولیس لاٸن بھکر میں ادا کی گٸ آخر میں مرحوم کیلے دعا مغفرت  آور لواحقین کو صبر و جیمل  عطا۶ فرماۓ

بھکّر/رپورٹ ظفر اعوان/ میرٹ پسند دبنگ آفیسر عدنان جمیل سپیشل مجسٹریٹ کا ناجائز تجاوزات کے خلاف کھڑاک ۔اگلے مرحلے میں تجاوزات میں ملوث دکانداروں کو قانونی کارروائی کا سامنا کرنا پڑ سکتا ہے

 میرٹ پسند دبنگ آفیسر عدنان جمیل سپیشل مجسٹریٹ کا ناجائز تجاوزات کے خلاف کھڑاک ۔اگلے مرحلے میں تجاوزات میں ملوث دکانداروں کو قانونی کارروائی کا سامنا کرنا پڑ سکتا ہے ۔ گزشتہ روز بہل چونگی اور دریا خان روڈ  پر سپیشل مجسٹریٹ عدنان جمیل کا کھڑاک۔ ناجائز تجاوزات کے خلاف کریک ڈاؤن کرتے ہوئے دکانداروں کو جرمانے اور سامان ضبط کر لیا۔ انہوں نے میڈیا سے گفتگو کرتے ہوئے کہا ضلعی انتظامیہ کا تجاوزات کے خلاف اپریشن بلا تسلسل جاری رہے گا اور اگلے مرحلے میں  تجاوزات میں ملوث پائے گئے دکانداروں کو قانونی کاروائیوں کا سامنا کرنا پڑے گا۔

ڈپٹی کمشنر چکوال محترمہ قرآۃ العین ملک کی ہدایت پر اسسٹنٹ کمشنر لاوہ محترمہ عشنہ طاہر نے کرایہ کم نہ کرنے والوں کے خلاف کارروائی کا سلسلہ شروع کردیا

رپورٹ /امتیاز احمد لاوا 

 پٹرولیم مصنوعات کی قیمتوں میں کمی کے بعد  ڈپٹی کمشنر چکوال محترمہ قرآۃ العین ملک کی ہدایت پر اسسٹنٹ کمشنر لاوہ محترمہ عشنہ طاہر نے کرایہ کم نہ کرنے والوں کے خلاف کارروائی کا سلسلہ شروع کردیا ۔اسسٹنٹ کمشنر عشنہ طاہر نے مسافروں بسوں اور ویگنوں میں جاکر مسافروں سے کرایوں کی بابت دریافت کیا اور زائد کرایے وصول کرنے والی گاڑیوں کو  جرمانے عائد کر دیے، اور بسوں ویگنوں میں سوار سواریوں سے زائد کرایہ وصول کرنے والے ڈرائیوز کو وارننگ دیتے ہوئے کرایہ واپس بھی کروا دیا، اے سی  لاوہ نے بتایا کہ عوام کو برائے راست ریلیف دینے کیلئے خفیہ ٹیمیں بنا دی ہیں جو ٹرانسپورٹ میں سواری بن کر زائد کرایہ لینے والوں کے خلاف کارروائی کریں گی۔ خلاف ورزی کرنے والے ٹرانسپورٹرز کے خلاف سخت کارروائی عمل میں لائی جائیگی اور کہا کہ پٹرولیم مصنوعات کی قیمتوں میں کمی کا ریلیف عوام تک پہنچانے کے لیئے زائد کرایہ وصول کرنے والوں کے خلاف قانون کے مطابق کاروائی عمل میں لائی جائے گی۔

Deputy Commissioner Talagang QuratulAin Malik PAS 'Offcial' Deputy Commissioner Chakwal 

Commissioner Rawalpindi Official