علمی ، ادبی ، فنی اور ثقافتی کہکشاں میں "خالد دانش" جیسی عظیم شخصیت بہت کم دکھنے کو ملتی//آمنہ روشنی

 خالد دانش (بابا جان) کے نام

اب تک کے مطالعہ اور مسلسل غور و فکر سے یہی جاننے کو ملا ہے کہ خالص ادبی کاوشوں میں تہذیبی اور معاشرتی رنگ ہی لوگوں کو متاثر کرنے کی اہم وجہ ہے۔ 

اور 

اسی وجہ سے حلقۂ اربابِ ذوق سے منسلک ادبی شخصیات اپنے فن پاروں ( مضامین ، شاعری، نثر اور افسانوں) کی مدد سے اپنی پہچان بنانے میں ہمہ وقت لگے ہوئے دکھائی دیتے ہیں۔ 

ان کی فکرِ استدلالی ہی اردو ادب کو زندہ رکھے ہوئے ہے۔

اس علمی ، ادبی ، فنی اور ثقافتی کہکشاں میں "خالد دانش" جیسی عظیم شخصیت بہت کم دکھنے کو ملتی ہے۔ اردو ادب کی تشہیر و فروغ کے لیے آپ دن رات محنت کرتے دکھائی دیتے ہیں۔

اور میں ناچیز دل کی عمیق گہرائیوں سے ان کی قدر و منزلت کرتی ہوں اور ان کی خوش اخلاقی اور پیار کی وجہ سے حقیقی معنوں میں انہیں اپنے والدین کی طرح عزت و توقیر کے لائق اور عزیز ترین سمجھتی ہوں۔

رب العالمین کی بے حد شکر گزار ہوں کہ اس کریم ذات نے مجھے خالد دانش جیسے عظیم شخص کی بیٹی بننے کا شرف بخشا۔۔۔

مجھ میں نثر نگاری کا شوق پیدا کرنے اور ہمیشہ میری حوصلہ افزائی کرنے پر یہ بیٹی اپنے پیارے بابا جان کا دل کی گہرائیوں سے شکریہ ادا کرتی ہے کہ اگر یہ میری رہنمائی نہ کرتے اور مجھے نثر لکھنے کی طرف راغب نہ کرتے تو شاید میں کبھی نثر نگاری نہ کر پاتی اور شاید اپنے اس فن سے بھی نا آشنا رہتی۔

دعا گو ہوں کہ اللہ پاک ان کو سدا پھولوں کی طرح ہنستا مسکراتا خوش رکھے ، ان کے رزقِ سخن میں اضافہ کرتا جائے اور ان کا سایہ ہم بچوں کے سروں پر تا دیر رکھے آمین یا رب العالمین۔

✍️آمنہ روشن

#amna_roshni