بھکّر (ظفر اعوان)معروف شاعرہ نمرہ ملک کی کتاب کہیں تھل میں سسی روتی ہے کی ایوارڈ سرمنی گزشتہ شب گورنمنٹ ایسوسی ایٹ کالج 48 ٹی ڈی اے جہان خان بھکرمنعقد ہوئی اور اسی اعزاز میں آل پاکستان محفل مشاعرہ و تقسیم ایوارڈز کی تقریب منعقد کی گئی جس میں ملک بھر سے شعراء نے شرکت کی۔پروگرام کا آغاز
تلاوت قرآن پاک حافظ کلیم اللّٰہ انجم جبکہ نعت مبارکہ ظفر رضا عارفی نے کیا۔بانی بزمِ رفیقِ پاکستان بھکر عابد علیم سہو کا مشہور زمانہ کلام ۔ نہ مکھ میتھوں موڑ نی مائیں ۔ ترنم کے ساتھ سنا کر ظفر رضا عارفی نے خوب داد سمیٹی اس کے بعد سرپرست بزمِ رفیقِ پاکستان بھکر محترم ڈاکٹر خالد جاوید اسراں صاحب نے مہمانوں کا شکریہ ادا کیا اور اپنے کلام سے نوازا نظامت کے فرائض پروفیسر ناصر رانا صاحب اور عابد علیم سہو نے بخوبی نبھائے اس پروگرام کی صدارت طاہر محمود طاہر مرید والہ نے کی جبکہ مہمانان خاص میں ڈاکٹر عتیق الرحمن قریشی صاحب اور طارق حمید نیازی ۔عارف اعوان ۔ظفر اعوان ۔عثمان اعوان تھے۔ انٹرنیشنل شاعر ندیم ناجد نے بطور خاص اس پروگرام میں شرکت فرمائی
2022 کی پبلش شدہ کتب پر بزمِ رفیقِ پاکستان بھکر ایوارڈ سے نوازا گیا جن شعرا نے اپنا کلام سنایا ان میں ۔ نمرہ ملک تلہ گنگ ، پرویز منیر کروڑ ، بوٹا شاکر چوک اعظم ، عارش گیلانی جمن شاہ ، ڈاکٹر عمر قیاز قائل بنوں، ڈاکٹر مشرف حسین انجم سرگودھا، صادق حسنی ، خادم کھوکھر لیہ ، پروفیسر قلب عباس عابس ، عابد علیم سہو ، رمضان عاطف و دیگر کئی شعراء نے کلام سنایا
آخر پر استاد الشعراء محترم نذیر ڈھالہ خیلوی صاحب اور ندیم ناجد کی دستار بندی کی گئی۔ مختلف علمی، ادبی و صحافتی شخصیات میں اعزازی سرٹیفکیٹ تقسیم کیے گئے
بانی بزمِ رفیقِ پاکستان بھکر عابد علیم سہو اور سرپرست بزمِ رفیقِ پاکستان بھکر ڈاکٹر خالد جاوید اسراں صاحب نے مہمانوں کی خدمت مدارت میں کوئی کمی نہ چھوڑی اور آخر پر تمام شعراء کا شکریہ ادا کیا
کوئی تبصرے نہیں:
ایک تبصرہ شائع کریں