تلہ گنگ (ظفر اعوان سے )ضلع تلہ گنگ کی معروف شاعرہ،ادبی و سماجی شخصیت اور صحافی نمرہ ملک

تلہ گنگ (ظفر اعوان سے )ضلع تلہ گنگ کی معروف شاعرہ،ادبی و سماجی شخصیت اور صحافی نمرہ ملک کو آل رائٹرز پاکستان ویلفئیر ایسوسی ایشن کی جانب سے  ادبی و سماجی خدمات پہ حسن کارکردگی ایوارڈ دیا گیا۔گزشتہ دنوں ہیری ٹیج ہوٹل لاہور میں اپوا (آل رائٹرز پاکستان ویلفئیر ایسوسی ایشن)کی جانب سے سالانہ ورکشاپ منعقد کی گئی جس میں ملک اور بیرون ملک سے صحافتی،سماجی،ادبی شخصیات نے شرکت کی۔نمرہ ملک کو معروف صحافی مجیب الرحمٰن شامی اوراینکر پرسن مبشر لقمان نے ا ایوارڈز ،سرٹیفیکیٹ اور میڈل سے نوازا۔اس موقع پہ سرپرست اعلیٰ اپوا زبیر انصاری، صدر اپوا ایم ایم علی ،اپوا ممبران ،معروف شعراء اتباف ابرک افتخار عفی،شعیب مرزا ،تہذین طاہر،غلام زادہ نعمان صابری ،عاطف صدیق کاہلوں ،عائشہ صدیقہ،شاہین اشرف علی،لبنی غزل،ریحانہ اعجاز،روزینہ فیصل اور ملک کے طول و عرض سے آئے ہوئے قلمکاروں کی کثیر تعداد موجود تھی۔واضع رہے کہ اپوا ایک معروف ادبی تنظیم ہے جو لکھاریوں کی حوصلہ افزائی کے لیے بہترین اقدامات کرتی ہے۔سماجی و ادبی حلقوں نے نمرہ ملک کو ایوارڈ پہ مبارکباد دی اور نیک تمناؤں کا اظہار کیا۔اس موقع پہ میڈیا سے بات کرتے ہوئے نمرہ ملک نے کہا کہ یہ کامیابیاں اور عزت میرے والدین کی دعاؤں اور اللہ رب العزت کی بدولت نصیب ہوئی ہے۔انہوں نے کامیاب ورکشاپ پہ ایم ایم علی ،زبیر انصاری اور اپوا انتظامیہ کو خراج تحسین پیش کیا ۔