دنیاپور(عزیزبلوچ)تھانہ سٹی کے علاقوں میں ایک ہی رات میں متعدد وارداتیں،تھانہ سٹی کے علاقے عادل مسیح کالونی،چک نمبر 327 ڈبلیو بی اور چک نمبر 329 ڈبلیو بی میں درجن سے زائد ڈاکوؤں نے رات بھر لوٹ مار کی،ڈاکوؤں نے مزاحمت پر یعقوب مسیح کو گولی ماری اور عنصر وڑائچ کو تشدد کا نشانہ بھی بنایا،اہل علاقہ سراپا احتجاج،وزیر اعلیٰ پنجاب سے نوٹس لینے کا مطالبہ تفصیل کے مطابق تھانہ سٹی دنیاپور کے علاقوں میں درجن سے زائد مسلح ڈاکوؤں نے متعدد گھروں میں لوٹ مار مچا دی،مسلح ڈاکوؤں نے عادل مسیح کالونی،چک نمبر 327 ڈبلیو بی اور چک نمبر 329 ڈبلیو بی میں ایک ہی رات میں متعدد وارداتیں کیں،تھانہ سٹی کے علاقے عادل مسیح کالونی میں درجن سے زائد ڈاکو رات کی تاریخی میں یعقوب مسیح کے گھر داخل ہو گئے،طلائی زیورات اور نقدی لے اڑے،ڈاکوؤں نے مزاحمت پر یعقوب مسیح کی ٹانگ میں گولی ماری،جس سے یعقوب مسیح شدید زخمی ہو گیا جسے بہاولپور وکٹوریہ ہسپتال منتقل کر دیا گیا ہے،بعد ازاں مسلح ڈاکو قریبی گاوُں چک نمبر 329 ڈبلیو بی میں عنصر وڑائچ نامی شخص کے گھر داخل ہو گئے،جسے ڈاکوؤں نے مزاحمت پر خوب مارا پیٹا اور فائرنگ کرتے ہوئے فرار ہو گئے،اطلاع ملنے پر تھانہ سٹی پولیس موقع پر پہنچ گئی،علاقے میں خوف ہراس پھیل گیا،ا
